အပြိုင်အဆိုင်အားကစားပွဲနိုင် ပေါရိသာဒအင်းအစီအရင်

#ပေါရိသာဒအင်း
၎င်းပေါရိသာဒ အင်းကို
ကျောက်ပြားတွင်ရေး၍ ရေတွင်ချသော် ပေါ်၏။ လှေပြိုင်ပွဲများမှာ လှေပဲ့မှာချရသည်။ နွားပြိုင်ပွဲများမှာ လက်ဖွဲ့ထိုး၍ ဆောင်ပြီးလျှင် မြင်း၊နွားတို့ကို စီးနင်းသူများက 
'' ငါသည် ရဲရင့်သော ကေသရာဇာ ခြသေ့်မင်းကို စီးနင်းသော ပေါရိသာဒမင်း  ဖြစ်သည် '' ဟု စိတ်ကကြိမ်းဝါးပြီး စီးနင်းဆောင်ရွက်ရမည် - 
ထိုသို့ဆိုလျှင် သူတပါးတို့ထက် သာလွန်သည်၊ လျှင်မြန်သည်၊ သူတပါးတို့ကြောက်ရွံ့ ကြရသည်။ မိမိစီးသောမြင်း၊ လှေ ၊ယာဥ်တို့ကို သူတပါးတို့ မကျော်နိုင်၊ ကျော်လည်း
မတက်ဝံ့ကြချေ။ 
အချိန်နက္ခတ်ကောင်းတွင်ချ၍ လက်ဖွဲ့ထိုး၍ ကိုယ်တွင်ဆောင်ပါက အလွန်ပေါ့ပါးလျှင်မြန်၏၊ ခွန်အားဗလကြီး၏၊ ရေတွင်မနစ်။  ဒုတ်၊ အုတ်၊ ဓား၊ ကြိုး၊ ကြိမ်၊ လှံ၊ကပ်ဖိ ၊ သစ်ချွန်၊ စိန်ပြောင်း ခံသည် အပါး ၃၀ ပြီးသည်ဟု ဆိုသည်။ 
အသက်မရှိသော မိုး၊လေ၊ရေ၊မီး စသည်တို့ကိုပင် တားဆီးနိုင်နင်းသည်ဟု ကျမ်းစာမှာပါရှိသည်။
တခါက အဝမြို့တော်တွင် ရေအလွန်ကြီးသဖြင့် အောင်ထွန်းသာတံခါး၊ လေသာတံခါးတို့ကို ရေ ၂- တောင်
ခန့် တက်ပြီး မြို့တွင့်သို့လည်း ရေများစွာဝင်သည်နှင့် မြို့သူ၊မြို့သားတို့က ဗေဒင်တတ်သူ၊ နတ်မှန်သူတို့ကို မေးမြန်းရာ၊ မနက်ဖြန် ရေကျမည်၊ သန်ဘက်ခါ ရေကျမည်လို့ ဆိုကြပေမယ့်လည်း ဟောတိုင်းမမှန်ပဲရှိနေတော့သည်။ 
ထိုအခါ ဘဝရှင်မင်းတရားကြီး ကိုယ်တော်တိုင် မေးတော်မူသော်လည်း ဟောသူတို့ လျှောက်တိုင်းမမှန်ရှိပြီး ရေမကျပဲရှိလေတော့သည်။ ထို့​ကြောင့် ဗားမဲ့ဆရာတော်ကို ပင့်ပြီး တိုင်ပင်တော်မူရာ အထက်ပါ ပေါရိသာဒအင်းကို လက်သုံးတော်ဓားတွင် ချစေပြီးမှ 
အင်းဆံဂါထာဖြစ်သော 
'' အဟံ သိဟော ပေါရိသာဒေါ ဝါယောဓာတု '' 
ကို သရာဇ္စျာယ် ပြီးလျှင် ဓားပြချေဟူ၍ စေခိုင်းတော်မူသောအခါမှ 
ညဥ့်တွင်းချင်းပင် ရေလျှောကျရလေသည် ဟု မှတ်တမ်းရှိဖူးသည်။ ဉာဏ်ရှိတိုင်းသုံးဟုလည်း ကျမ်းစာအမှာတွင် ပါရှိပါသည်။
#မင်းမြတ်သျှင်နောင် 
#minmyatxhinnaung 
#ပေါရိသာဒအင်း